,,ჯადოსნური ახალი წლის დადგომა, თოვლის პაპას და სანტა კლაუსის გარეშე ყველა ბავშვისთვის წარმოუდგენელია. ჩვენს მიერ მოყოლილ ამბავში კი ყველაფერი შეიძლება შეიცვალოს, რადგან დღესასწაულების ადმინისტრატორი გადაწყვეტს თოვლის პაპა და სანტა კლაუსი შვებულებაში გაუშვას. ამ ყველაფრის უკან კი მარკეტინგის მენეჯერი დგას. სწორედ, აქედან იწყება დიდი და საინტერესო თავგადასავალი. საბოლოოდ მარკეტინგის მენეჯერი ალქაჯი აღმოჩნდება, რომელიც ბავშვებს სიხარულს და დღესასწაულს ართმევს. ყველას იმედად კი პატარა გოგონა, ჰოლი ევლინებათ. ის იგონებს სათამაშო ზვიგენ გოგონას. სწორედ ეს სათამაშო ამარცხებს ალქაჯს. დედამიწაზე კი ახალი წელი და შობა ისევ დადგება. თოვლის პაპა და სანტა კლაუსი კვლავ განაგრძობენ საჩუქრების დარიგებას.

სპექტაკლი გვესაუბრება ისეთ მნიშვნელოვან თემებზე როგორებიცაა: სიყვარული, ბედნიერება, სიკეთე, ბოროტება და იმედი. მსახიობების მაღალი ოსტატობა, მრავალფეროვანი მუსიკა და ზღაპრული გარემო გვამოგზაურებს დაუვიწყარ საახალწლო თავგადასავალში.”